Hafan: Gwahaniaeth rhwng fersiynau

Fersiwn yn ôl 09:48, 3 Rhagfyr 2025

"Anghofio yw Bradychu"

DYFODOL EIN HANES

Fel y gwelir o'r dywediad gan Saunders Lewis, "Anghofio yw bradychu", rhaid cofio ein hanes neu rydym mewn perygl o fradychu'r rhai sydd wedi mynd o'n blaenau. ac wrth gwrs mae ymchwil newydd yn medru newid ein dealltwriaeth o hanes ein hardal. Yn wahanol i lyfrau, mae tudalenni Cof y Cwmwd yn medru cael eu diweddaru'n gyson, er mwyn ehangu ein gwybodaeth o hanes ein hardal. Mae pawb yn medru cyfrannu atynt ac mae modd i'n dealltwriaeth dyfu neu newid fel yr ychwanegir straeon a ffeithiau newydd.

Er mwyn cadw'r Cof i fynd, mae tîm bach o weinyddwyr wrthi'n golygu cyfraniadau a chynnal dolennau ac ati. Os ydych yn hoffi defnyddio cyfrifiadur mae 'na wahoddiad cynnes i chi ymuno â'r tîm. Does dim angen i chi fod yn hanesydd, nac yn arbenigwr - os dach chi'n medru defnyddio Word, byddwch yn medru golygu erthyglau heb fawr o drafferth. Ac os byddwch yn defnyddio Wicipedia, dach chi'n gwybod sut mae'r Cof yn gweithio - yr un meddalwedd sydd gennym.

Â diddordeb? Gyrrwch atom trwy glicio yma ac mi gawn ni drefnu sgwrs am y peth....

Croeso i Cof y Cwmwd. Ein nod yw cyflwyno gwir hanes ein bro a'i phobl i bobl Uwchgwyrfai a Chymru gyfan trwy gyfrwng y Gymraeg.

Mae'n hawdd iawn i chi ddefnyddio'r wefan - os ydych wedi defnyddio Wicipedia rywbryd, byddwch yn gwybod mor hawdd ydy hi: mi rydan ni'n defnyddio'r un un meddalwedd.

Mae Cof y Cwmwd yn ymdrin ag ardal Uwchgwyrfai, gan gadw at yr hen ffiniau canoloesol - sef plwyfi hanesyddol Clynnog Fawr, Llanaelhaearn, Llandwrog, Llanllyfni a Llanwnda; yr oedd Llanwnda'n blwyf mwy yn y gorffennol, gan gynnwys darn gorllewinol plwyf modern Betws Garmon. Mae Uwchgwyrfai yn cynnwys Dyffryn Nantlle i gyd ac ochr Gorllewinol Dyffryn Gwyrfai o'r môr i lan Llyn y Gader. Cof y Cwmwd yw un o weithgareddau Canolfan Hanes Uwchgwyrfai. Cewch fwy o wybodaeth am Cof y Cwmwd wrth glicio yma.

Diolch i'n noddwyr presennol am sicrhau parhad y wefan, ac hefyd i Gronfa Dreftadaeth y Loteri am ariannu'r gwaith o'i sefydlu.

Sut i ddarllen erthygl neu ganfod ffeithiau

Defnyddiwch y blwch Chwilio ar ben y sgrîn hon, ar y dde - neu gliciwch Holl gategorïau ar y rhestr ar y chwith i weld pa gategorïau o bynciau sydd ar gael. Os gwelwch eiriau lliw glas rhywle ar y wefan hon, gallwch gliciwch arnynt ac mi ewch yn syth at yr erthygl berthnasol.

Os na allwch ddod o hyd i'r hyn yr ydych yn chwilio amdano, cliciwch yma i ganfod dolennau at wefanau eraill all fod o ddefnydd i chi.

NEU BETH AM... ddysgu rhywbeth newydd am eich dyffryn? Cliciwch ar Tudalen ar hap ar y chwith a 'does wybod be' wnewch chi ei ddysgu

Diweddariadau ac ychwanegiadau diweddar

Mae'r erthyglau isod ymysg y rhai sydd wedi eu hehangu neu eu cywiro'n ddiweddar:

Henry Williams yr apothecari o'r Erw-wen: manylion am ei deulu
Abraham Williams y porthmon o Lyn-y-gele: mwy am ei fab
Dolydd: hanes y tanerdy cynnar ym Mhlas Dolydd
Melin Forgan: manylion am ei hanes cynnar ac am y perchnogion
Tafarn y Boar's Head: mwy o'i hanes

Erthyglau newydd

Cyfanswm: 1,854 erthygl

Sut i ychwanegu gwybodaeth

Gwefan gydweithredol yw Cof y Cwmwd a chaiff pawb ychwanegu ati'n uniongyrchol dros y we. Hawdd iawn yw i unrhyw un ychwanegu ffeithiau at erthygl, neu greu erthygl o'r newydd. Rydym yn eich gwahodd chi i gyd i wneud hynny, a hynny'n gynnes iawn.

Mae arnom wir angen eich cyfraniadau er mwyn sicrhau y bydd Cof y Cwmwd yn cynnwys pob elfen o hanes Cwmwd Uwchgwyrfai. Peidiwch â meddwl bod eraill yn gwybod mwy na chi am eich ardal. Cyflwynwch eich gwybodaeth; dyna sut y daw ffeithiau newydd i'r golwg. Am fwy o wybodaeth am gyfrannu erthygl neu ychwanegu/cywiro ffeithiau, cliciwch yma.

Yn fwy na dim, mentrwch! Ni ellir gwneud dim i'r wefan nad yw'n bosibl i ni ei wrthdroi. Felly, allwch chi ddim gwneud stomp o bethau .

Iaith Cof y Cwmwd

Ffynhonnell o wybodaeth Gymraeg ei hiaith yw Cof y Cwmwd. Mae erthyglau Cymraeg am rai elfennau o hanes Uwchgwyrfai ar gael hefyd ar Wicipedia Cymraeg - ac wrth gwrs mewn ieithoedd eraill ar Wikipedia. Mae enwau lleoedd yn tueddu cael eu sillafu mewn sawl ffordd ac yr ydym ni wedi safoni'r sillafiad er mwyn i'r mynegai weithio'n iawn. Cewch weld y manylion trwy glicio yma. Os oes enw Cymraeg ar rywle yn Lloegr neu y tu draw, yr enw Cymraeg a ddefnyddir. Cofiwch hefyd fod modd i ffrindiau di-Gymraeg fentro cael cyfieithiad (o ryw fath!) o erthyglau Cof y Cwmwd trwy ddefnyddio Google Translate.

Canolfan Hanes Uwchgwyrfai

Dyma'r ganolfan yng nghwmwd Uwchgwyrfai sy’n costrelu dyheadau a hanes ardal sy’n enwog am ei chyfraniad addysgol, diwylliannol a chrefyddol. Dyma’n wir bwerdy bro. Lleolir y Ganolfan yn hen ysgoldy Eben Fardd yng Nghlynnog Fawr yn Arfon.

Elusen gofrestredig yw Canolfan Hanes Uwchgwyrfai. Ymysg y gweithgareddau, trefnir darlithoedd bob mis ac ar ddyddiau coffa ein cenedl; cynhelir ysgolion undydd i ledaenu ein gwir hanes ac arddangosfeydd achlysurol; cynhelir clwb darllen misol; a chyhoeddir cylchgrawn sain, yr Utgorn, bob chwarter sy'n ymdrin â phynciau hanesyddol a diwylliannol, ac a ddosberthir i danysgrifwyr. Caiff y deillion ei dderbyn am ddim ond iddynt wneud cais. Yng nghefn y ganolfan ceir gardd draddodiadol Gymreig y mae rhai o'r aelodau'n edrych ar ei hôl.

Ewch i brif wefan Canolfan Hanes Uwchgwyrfai am fanylion llawn a'r newyddion diweddaraf.

A oes gennych sylwadau?

Mae modd rhoi sylwadau am unrhyw dudalen trwy ddefnyddio'r botwm Sgwrs ar ben erthygl (mae un ar dop y dudalen hon, er enghraifft). Ond os yw'n well gennych anfon e-bost, gallwch gysylltu â gweinyddwyr Cof y Cwmwd trwy yrru e-bost gan glicio yma

@@ Llinell 46: / Llinell 46: @@
 '''NEU BETH AM...''' ddysgu rhywbeth newydd am eich dyffryn? Cliciwch ar '''Tudalen ar hap''' ar y chwith a 'does wybod be' wnewch chi ei ddysgu
+==Diweddariadau ac ychwanegiadau diweddar==
+Mae'r erthyglau isod ymysg y rhai sydd wedi eu hehangu neu eu cywiro'n ddiweddar:
+*[[Henry Williams]] yr apothecari o'r Erw-wen: manylion am ei deulu
+*[[Abraham Williams]] y porthmon o Lyn-y-gele: mwy am ei fab
+*[[Dolydd]]: hanes y tanerdy cynnar ym Mhlas Dolydd
+*[[Melin Forgan]]: manylion am ei hanes cynnar ac am y perchnogion
+*[[Tafarn y Boar's Head]]: mwy o'i hanes
 == Erthyglau newydd ==