Afon Reil
Mae peth dirgelwch ynglŷn â pha nant yw Afon Reil sy'n rhedeg trwy gorsydd rhan uchaf plwyf Llandwrog. Mae'n croesi'r lôn tua hanner ffordd rhwng Rhosgadfan ac Y Fron ym mhlwyf Llandwrog ac mae'n bur sicr y cafodd ei henwi ar ôl inclein lein fach y chwareli a groesai dan y ffordd ger Glan-y-gors a Fron Heulog. Nid yw'r enw'n hysbys ar y we ond ar lun o hen dabl arosfannau bws Express Motors, dyddiedig Tachwedd 1931. Yn sicr, un o flaen-nentydd Afon Llifon yw hi. Yn ôl Ifor Williams yng Nghylchlythyr Cymdeithas Enwau Lleoedd Cymru,[1], dyna enghraifft o newidiadau diwydiannol yn creu enwau lle newydd neu newid rhai blaenorol. Mae Pont y Reil gerllaw.
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ Ifor Williams, Afon Reil, (Cylchlythyr Cymdeithas Enwau Lleoedd Cymru, rhif 4 (Hydref 2013)), t.7