Tudur Goch
Trigai Tudur Goch ap Goronwy ym Plas Nantlle, a fo oedd penteulu y llinach a ddaeth (yn honedig) o Cilmin Droed-ddu ac, yn ôl yr achresi, yn or-or-wyr i Ystrwyth ab Ednowain, prif glerc Llywelyn Fawr. Priododd â Morfudd ferch Howel ferch Iorwerth Fychan, yntau hefyd o linach Cilmin, trwy Morgeneu Ynad; daeth honno â thiroedd Glynllifon iddo. Roedd yn dad i Hwlcyn Llwyd, y cyntaf o'r teulu y gwyddys i sicrwydd i fyw yng Nglynllifon. Roedd ganddo ddau fab iau hefyd, sef Gruffydd, sylfaenydd teulu Cwellyn a William.[1]
Roedd teulu Tudur Goch yn gyson gefnogol i goron Lloegr, ac yn sicr roedd Tudur yn was ffyddlon i'r Tywysog Du, Edward o Woodstock (1330-76), mab y brenin Edward III. Roedd tiroedd yn Nantlle wedi eu cipio gan goron Lloegr ym 1284 fel tiroedd brenhinol, gan yr oeddynt gynt yn eiddo i dyuwysogion Gwynedd. I gydnabod ei wasanaeth milwrol yn Ffrainc, roddodd y Tywysog Du chwe chyfer o dir yno i Tudur,[2] ac fe gododd hwnnw gartref iddo fo ei hun, sef Plas Nantlle.[3]
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ J E Griffith, Pedigrees of Anglesey & Caernarvonshire Families (Horncastle, 1914), t. 172
- ↑ W. Gilbert Williams, Glyniaid Glynllifon (Trafodion Cym. Hanes Sir Gaernarfon, cyf.10 (1949)), t.33
- ↑ Glyn Roberts, The Glynnes and the Wynns of Glynllifon, (Trafodion Cym. Hanes Sir Gaernarfon, cyf.9 (1948)), t.26