Pistyll Dafn

Mae Pistyll Dafn yn un o'r ychydig raeadrau sylweddol yn Uwchgwyrfai, ac yn cael ei nodi ar fapiau Ordnans. Ceir hyd iddi ar Afon Hen - a elwir yn lleol yn Afon Ddalfa - tua phen draw Cwm Gwara, yn y blanhigfa goed.

Yn ei llyfr Sul, Gŵyl a Gwaith ceir hanes yr awdur, Catrin Parri Huws, yn mynd i weld Pistyll Dafn ar Afon Ddalfa, yr ochr uchaf i fferm Cwmgwara. Byddai ymwelwyr yn heidio yno yng nghyfnod ei phlentyndod. “Ymhen blynyddoedd wedi hynny fe geisiais innau fynd â’m plant i weld y rhyfeddod. Ond methiant a fu, oherwydd y dagfa o’r brwgaits tewaf. Ni chlywid ei dinc, hyd yn oed, fel yn yr amser gynt.”

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma