Tramffordd Alexandra
Rhedai Tramffordd Alexandra o ben yr inclein a gysylltai'r chwareli ar lethrau Moel Tryfan â Changen Bryngwyn o Reilffyrdd Cul Gogledd Cymru, gan gynnig ffotrdd hwylus ac economaidd o symud y llechi ar eu ffordd at y lein fawr yng Gorsaf reilffordd Dinas. Fe'i hagorwyd tua 1881.
O ben yr inclein, sef y "Drumhead", dringodd y lein tua 350' (dros 100 metr) yn ystod milltir a hanner. Bu angen cryn waith adeiladu i greu'r lein gyda sawl cytin a chlawdd ar hyd ei lwybr troellog er mwyn cyrraedd y chwarel. Defnyddid hen gledrau mewn mannau a gafwyd gan leiniau eraill, yn cynnwys Rheilffordd Nantlle.[1]Defnyddid injans stêm o 1914 os nad cynt i dynnu'r wagenni o'r chwarel i ben yr inclein.[2]