Ffordd Osgoi Caernarfon

Mae Ffordd Osgoi Caernarfon', rhan o'r gefnffordd A487, yn rhedeg o gylchfan ger Tafarn y Goat, Llanwnda i gylchfan Griffis Crosin ger Y Felinheli. Mae'n rhedeg dros dir corsiog am beth o'i ffordd trwy Uwchgwyrfai, heibio tŷ Y Parc, Llanwnda a threflan Dinas, cyn croesi Afon Gwyrfai rhwng Pont Faen a phentref Y Bontnewydd.

Yn 2022, bydd yn cysylltu'n uniongyrchol â phen gogleddol Ffordd Osgoi Pen-y-groes wrth gylchfan y Goat, Llanwnda. Erbyn hynny bydd yr holl ffordd o Dŷ Golchi ger y Felinheli hyd at drofa Nasareth wedi ei hadeiladu ar dir nad oedd erioed o'r blaen yn rhan o ffordd, a phob cam o'r A487 rhwng Pont Menai a phentref Pant-glas wedi ei gwella'n sylweddol iawn.