Cyfranddalwyr Rheilffordd Nantlle

Rhestr o Gyfranddalwyr Cwmni Rheilffordd Nantlle ym 1825-6

• Richard Garnons 30 siâr. Perchennog Ystad Pant Du a Chwarel Pen-y-bryn

• Syr William H Clerke 5 siâr. Swyddog o'r fyddin wedi ymddeol. Ffrind Ardalydd Môn. Yn byw yng Nghaernarfon.

• Henry Potts 5 siâr. Byw yng Nghaer. Enwyd yn y Ddeddf (1825). Ysgrifennydd y Cwmni o bosibl.

• George Johnson 10 siâr. Perchennog Chwarel "Green". Yn byw yn Rhes Uxbridge, Caernarfon.

• G H Timmins 40 siâr. Masnachwr o Lerpwl.

• Mary Richardson 20 siâr.

• John T Smedley 15 siâr. Trysorydd y Cwmni.

• George Bettiss 10 siâr. Masnachwr llechi, yn cadw gwesty'r Sportsman ac yn asiant yr Arglwydd Newborough. Partner yng Nghwarel Hafodlas

• Jane Young, wedyn Jane Holt 5 siâr.

• Martha Humphreys 2 siâr. Partner yn Chwarel Hafodlas, a pherchennog Cloddfa'r Coed. Gweddw y Parch. Meyrick Humphreys, Rhydlanfair, Sir Ddinbych.

• William Brade 10 siâr. Cadeirydd Pwyllgor Rheoli Rheilffordd Nantlle ym 1832.

• Mrs Jane Hughes 3 siâr.

• Parch J W Trevor 4 siâr. Ficer Caernarfon

• Capt James Thomas Sewell 1 siâr. Cadben ar y militia gwirfoddol yng Nghaernarfon.

• John Drinkwater 5 siâr.

• Alexander McGregor 10 siâr.

• William Potter 1 siâr. O bosibl, perthynas i Thomas Potter, ceidwad tolldy'r lein yng Nghaernarfon.

• Rebecca Seaman 1 siâr. Trosglwyddwyd oddi wrth J Young

• Griffith Jones 5 siâr. Perchennog Chwarel Tal-y-sarn.

• R A Poole 3 siâr. Twrnai yng Nghaernarfon. Trosglwyddwyd oddi wrth Gr Jones

• William Owen (cyfranddaliwr) 2 siâr. O bosibl, yn berchennog Chwarel Braich-y-fedw. Yn byw yng Nghefn Hendre, Caernarfon. Trosglwyddwyd oddi wrth Gr Jones. Roedd yna ddyn arall o'r un enw yn gontractor a gododd argloddiau, pontydd ac ati ar y lein, fel mae llyfr cyfrifon y cwmni'n ei wneud yn eglur trwy gyfeirio at "Wm Owen (shareholder)" a "Wm Owen (contractor)".

• Parch Wynne W Williams 1 siâr. Trosglwyddwyd oddi wrth Jane Hughes

• James Bourne 5 siâr. Masnachwr o Lerpwl. Trosglwyddwyd oddi wrth Alex McGregor

• John Bourne 5 siâr. Tad James Bourne o bosibl. Trosglwyddwyd oddi wrth Alex McGregor

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma