Robert Vaughan Wynn, 8fed Arglwydd Newborough
Robert Vaughan Wynn (1949- ) yw'r 8fed Arglwydd Newborough ac fe gafodd y teitl ar farwolaeth ei dad, y 7fed Arglwydd ym 1998. Cafodd ei fagu ar ystadau Glynllifon a Rhug, cyn treulio dwy flynedd yn Awstralia "i fagu profiad". Cyn dod adref i helpu ei dad efo rheoli'r ystad ym 1994, bu'n gyfalafwr, yn ffarmio ar ei fferm ei hun yn Swydd Amwythig, (Peplow Hall), ac am bum mlynedd yn rhedeg gwasanaeth diogelu pysgodfeydd Sierra Leone. Mae'n byw ar brif ystâd y teulu bellach, sef Ystâd y Rhug ger Corwen, er bod ganddo dir sylweddol a oedd gynt yn rhan o ystâd wreiddiol y teulu, sef Ystad Glynllifon.[1]
Mae wedi ennill enw iddo'i hun fel lladmerydd y mudiad bwyd organig, ac wedi datblygu ffermio organig ar ffermydd y Rhug, lle mae'n cyflogi dros 100 o bobl erbyn hyn rhwng pob dim. Yn 2013 cafodd ei enwi'n Ffermwr y Flwyddyn gan y cylchgrawn Farmer's Weekly.[2]
Cysylltiad pellach rhwng Ystâd y Rhug ac Uwchgwyrfai yw'r ffaith mai rheolwr fferm helaeth, organig ac arloesol y Rhug yw Gareth Jones, sy'n hanu o Ffrwd Cae Du.
Yr etifedd i'w deitl yw ei gefnder, Anthony Charles Vaughan Wynn (g.1949).