Iona Boggie
Neidio i'r panel llywio
Neidio i'r bar chwilio
Aelod o ddeuawd canu gwlad Cymraeg Iona ac Andy yw Iona Boggie ynghyd â'i gŵr, Andrew Edward Boggie (Andy).[1]
Mae'r ddau bellach yn gerddorion proffesiynol, ond am beth amser roedd Iona'n athrawes ysgol gynradd ac roedd Andy'n athro Ffrangeg, yn werthwr gwinoedd, ac yn rheolwr siop. O Nantlle y daw Iona'n wreiddiol cyn i'r teulu symud i Ddyffryn Conwy. Y mae hi'n wyres i'r cerddor o Dal-y-sarn, Ben Jones. Magwyd ei gŵr ym Mhenmaenmawr. Bu iddynt briodi ym 1980, ac maent wedi bod yn canu fel deuawd am dros 40 mlynedd.
Ar label Cwmni Sain, maen nhw wedi cyhoeddi: Llwybrau Breuddwydion, Y Ffordd, Cerdded Dros Y Mynydd a Gwin Yr Hwyrnos.[2]
Cyhoeddwyd hunangofiant y cwpl, Llwybrau Breuddwydion, yn 2007 gan Gwasg Gomer.
Cyfeiriadau
- ↑ Gwefan y BBC
- ↑ Seiliwyd yr erthygl hon ar erthygl Wicipedia [1], cyrchwyd 8.1.2022