Gefail Dolydd

Roedd Gefail Dolydd yn un o gefeiliau pwysicaf Uwchgwyrfai yn ei dydd ac yn bur hen. Safai wrth ochr y lôn dyrpeg o Ffingar i Borthmadog, gyferbyn â tholldy Dolydd. Mae'n debyg y dewisiwyd y safle fel y gallai cwsmeriaid gyrraedd yr efail o'r ddwy gyfeiriad heb orfod dalu toll. Yn ogystal â phedoli, gwnaed llawer o waith haearn at alw ffermydd y fro, a cheir llawer i enghraifft o waith yr efail hyd heddiw ar ffurf giatiau ac ati. Un nodwydd o waith pob dydd yr efaill oedd ailddefnyddio metel megis cylchoedd haearn a fuodd o amgylch olwynion troliau trwy eu sythu a'u defnyddio fel estyll llidiardau haearn.

Yn gynnar yn y 20g symudwyd y gwaith i gwt newydd ger Pont Dolydd sydd bellach wedi ei dyfu'n fodurdy, a gwnaed gwaith peirianyddol weldio ac ati yno.

Mae'r "Hen Efail" fel y gelwir yr adeilad heddiw wedi bod yn gaffi, a oedd yn enwog am y topiari siâp eliffant yn yr ardd. Erbyn heddiw mae'n bencadlys cwmni diogelwch.