Llyn Nantlle Uchaf
Llyn Nantlle Uchaf yw enw cywir y llyn a elwir heddiw fel arfer yn Llyn Nantlle. Tan ddiwedd y 19g., roedd Llyn Nantlle Isaf hefyd i'w weld, gyda ond stribyn tenau o dir yn gwahanu'r ddau lyn, ger Baladeulyn, sef y man lle ymuna ddau lyn â'i gilydd. Rhed Afon Drws-y-coed, a sawl afonig arall megius Afon Garth i'r llyn, ac o'r llyn mae Afon Llyfnwy'n llifo trwy safle'r llyn isaf ac ymlaen trwy Llanllyfni at y môr ym Mhontlyfni. Erbyn hyn, ame'r ail lyn wedi diflannu o dan wastraff y chwareli a chynllun dargyfeirio'r afon.
Mae'r llyn yn cael ei ddefnyddio fel llyn pysgota eogiaid a brithyll, ac mae llun enwog Richard Wilson o Lyn Nantlle a'r Wyddfa yn dangos nifer o bysgotwyr ar y lan ac mewn cychod. Ym 1889, amddiffynnodd David Lloyd George dri dyn lleol a gyhuddwyd o bysgota yn y llyn gan Frwdd Cadwraethwyr Pysgodfa Seiont, Gwyrfai a Llyfnwy[1]
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ North Wales Observer, Mai 1889.