Lôn Ganol

Y Lôn Ganol yw enw pobl Llandwrog a gwaelodion plwyf Llanwnda ar y lôn sy'n rhedeg o dreflan Glan-rhyd heibio'r Parc, Gwylfa a Rhedynog i dreflan Dôl Meredydd ac ymlaen nes ffurfio cyffordd gyda'r lôn sy'n rhedeg heibio Groeslon Ffrwd a'r Bwlan i Cae Halen Mawr, Llandwrog. Dichon mai "Lôn Ganol" yw'r enw gan ei fod yn cynnig ffordd o gyrraedd Llandwrog o gyfeiriad Caernarfon rhwng y lôn bost, sef y A4871/A499 o Gaernarfon i Bwllheli a'r lôn o Gaernarfon i Landwrog trwy pentref Saron. Mae'n un o hen lonydd y fro, ac yn ymddangos ar fapiau degwm y ddau blwyf yn dilyn yr un cwrs â heddiw.