Gorsaf reilffordd Waun-fawr

Er i orsaf Waun-fawr arfer bod ym mhlwyf Llanwnda ac felly yn Uwchgwyrfai, roedd yn gwasanaethu pentref yn Isgwyrfai. Saif ar lan yr Afon Gwyrfai, ac fe'i adeiladwyd gan cwmni Rheilffyrdd Cul Gogledd Cymru a'i hagor ym 1878. Dyma yw'r man cyntaf ar y lein ar ôl cychwyn o Gyffordd Dinas lle gall trenau groesi, gan fod y brif lein yn sengl (sef, ar gyfer trenau sy'n teithio i'r ddau gyfeiriad). Serch hynny, roedd hi'n 1895 cyn i'r cwmni weld yr angen am osod lŵp yma. Mae'r platfform ar ffurf ynys rhwng y ddwy set o gledrau yn y lŵp. Chwalwyd olion yr adeilad gwreiddiol wrth ail-adeiladu'r lein ar ddechrau'r ganrif hon. Mae'r bont droed hefyd yn nodwedd newydd.

Roedd un seidin nwyddau gyferbyn â'r platfform, ac ychydig i'r de, trôdd cangen neu seidin fer Parc Dudley i ffwrdd i gyfeiriad chwarel o'r un enw.

Rheolid traffig yn yr orsaf gan signalau ar ôl 1895, er i'r rhain beidio â bodoli rywdro cyn 1920.