Gorsaf reilffordd Cyffordd Tryfan

Mae Cyffordd Tryfan yn enghraifft brin iawn os nad unigryw ym Mhrydain o gyffordd ar reilffordd drac cul lle gallai deithwyr newid trenau. Mae hi'n sefyll dwy filltir i'r de o orsaf Dinas yn y man lle arferai cangen i Rostryfan ac o'r fan honno i'r Bryngwyn wyro oddi wrth brif lein Rheilffyrdd Cul Gogledd Cymru, er prin bod llawer erioed wedi aros yno i newid trenau. Mae'r adeilad wedi ei ailgodi'n ddiweddar, gan ddefnyddio'r hen ddefnyddiau hyd y gellid, ac mae trenau'n galw yno ar gais. Yr orsaf nesaf ati yw Waunfawr.

Heddiw mae'n hwb ar gyfer nifer o lwybrau, gan gynnwys llwybr ar hyd hen gangen y Bryngwyn.