Y Garn
Y Garn yw copa fwyaf dwyreiniol Crib Nantlle ac mae ffin Uwchgwyrfai yn rhedeg drosti. 2080 troedfedd neu 633 metr yw ei huchder. O'r gopa gellir weld Dyffryn Nantlle ar ei hyd i'r gorllewin; ac i'r dwyrain, gwelir pentref Rhyd-ddu, llethrau'r Wyddfa a Llyn y Gader islaw. Mae mynyddwyr yn ei gynnwys yn rhestr mynyddoedd Nuttall.
Mae dwy garnedd, neu bentyrrau o gerrig, ger y gopa. Mae un 42 troedfedd ar draws ac 8 troedfedd o uchder; ac un arall ryw ddeng llath ar hugain i'r de-orllewin, sydd yn ddwy droedfedd yn llai o ran lled, a dim ond 6 troedfedd o uchder. Dichon bod y ddwy wedi cael eu chwalu rywbryd yn y gorffennol. Mae llawer iawn o gerrig rhydd ar draws y tir gwastad ger y gopa, a gall y rheiny fod yn olion carneddau eraill.[1]
Ni ddylid cymysgu'r mynydd hwn gyda'r Garn, mynydd sy'n rhan o'r Glyderau.
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ Comisiwn Henebion Cymru, ‘’Caernarvonshire’’, Cyf.2: Central (Llundain, 1960), t.212