William Farren
Roedd William Farren (1839-cyn 1911) yn frawd iau i George Farren ac yn is-reolwr Chwarel yr Eifl, Trefor tua diwedd y 19g.
Mae Cyfrifiad 1901 yn dangos fod ganddo wraig iau o lawer nag ef ei hun, sef Isabel, dynes o Iwerddon a aned ym 1868, a dau o blant William Ignatius, a aned ym 1892 ym Mangor, a Reginald Joseph a aned ym 1896 yng Nghaernarfon. Mae Cyfrifiad 1901 yn dangos nad oedd unrhyw un o'r teulu'n gallu siarad Cymraeg.[1] Erbyn 1911, roedd William Farren wedi marw, ac roedd William y mab yn yr R.A. College, Cirencester,[2] ar ôl cyfnod yng Ngholeg Stonyhurst. Bu farw yn y Rhyfel Byd Cyntaf pan oedd yn gwasanaethu fel Is-gapten yn y Ffiwsilwyr Cymreig.[3] Arhosodd Reginald gyda'i fam yng Nghaernarfon, gan barhau i fyw yn "The Mount", Lôn Priestley, Caernarfon hyd o leiaf 1939, pan nodwyd ei fod yn anabl a ddim yn gweithio.[4]
Claddwyd William Farren ym mynwent Eglwys Llanbeblig, Caernarfon.
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma