J.M.W. Turner

Llyn Nantlle gan Turner, CC-BY-NC-ND (£.0 Unported) Oriel y Tate, Llundain

Llyn Cwellyn gan Turner, CC-BY-NC-ND (3.0 Unported) Oriel y Tate, Llundain

Arlunydd byd-enwog y cyfnod Rhamantaidd o Lundain oedd Joseph Mallord William Turner (1775-1851). Arferai ddefnyddio pensil, dyfrliw ac olew fel cyfryngau arlunio. Dechreuodd fel artist realistig ond yn gynyddol aeth ei luniau'n fwy argraffyddol. Hoffai yn bennaf ddylunio golygfeydd trawiadol, a daeth ar daith i Ogledd Cymru ym 1798 ac wedyn ym 1799, gan creu lluniau o lawer o olygfeydd cestyll a mynyddoedd, yn eu mysg o leiaf dau o fynydd Y Garn o Lyn Nantlle, dyddiedig 1799, sydd yn Oriel y Tate yn Llundain. Ysywaeth, lluniau dyfrliw heb eu gorffen ydynt, yn groes i'r gyfres o luniau gogoneddus o harbwr a chastell Caernarfon. Ymwelodd hefyd â Dyffryn Gwyrfai, ac mae llun hyfryd o Lyn Cwellyn a nifer o frasluniau a wnaed ym 1798 hefyd yn y Tate.