Capel y Bryn (MC)

Codwyd Capel y Bryn gan y Methodistiaid yn gynnar yn yr 20g. - nid yw map Ordnans 1899 na Hanes Methodistiaid Arfon (hyd diwedd 1900) gan William Hobley yn sôn am gapel, er ei fod ar fap 1919. Fe'i agorwyd, beth bynnag, ym 1907, ac yn y Gymdeithasfa:

hysbysodd y Parch. H. M. Pugh fod capel y Bryn, gerllaw Carmel, wedi ei agor, a bod golwg addawol iawn ar yr Ysgol Sul a'r moddion eraill yno. Pasiwyd ein bod fel C.M. yn datgan ein llawenydd mwyaf fod y symudiad yma wedi ei weithio allan mor hapus a llwyddianus, gyda'r teimladau goreu ar ran y fam eglwys yn Carmel.

Roedd ardal wrth ochr ddeuheuol inclein i'r chwareli o orsaf y Bryngwyn yn datblygu gydag ambell i res o dai a thyddynod yn cael eu codi yno tua throad y ganrif.

Oes fer oedd i'r capel fel addoldy, fodd bynnag, ac fe'i gaewyd ar ol rhyw hanner canrif o ddefnydd. mae'n dal i sefyll (fel tŷ ers blynyuddoedd) tua hanner milltir i'r gogledd o bentref Carmel.

 Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma