J.M.W. Turner

Llyn Nantlle gan Turner, CC-BY-NC-ND (£.0 Unported) Oriel y Tate, Llundain

Llyn Cwellyn gan Turner, CC-BY-NC-ND (3.0 Unported) Oriel y Tate, Llundain

Arlunydd byd-enwog y cyfnod Rhamantaidd o Lundain oedd Joseph Mallord William Turner (1775-1851), a elwid fel arfer yn William Turner gan ei gyfoeswyr. Arferai ddefnyddio pensil, dyfrlliw ac olew fel cyfryngau arlunio. Dechreuodd fel artist realistig ond yn gynyddol aeth ei luniau'n fwy argraffyddol. Hoffai yn bennaf ddylunio golygfeydd trawiadol, a daeth ar daith i Ogledd Cymru ym 1798 ac wedyn ym 1799, gan greu lluniau o lawer o olygfeydd cestyll a mynyddoedd, yn eu mysg o leiaf ddau o fynydd Y Garn o Lyn Nantlle, dyddiedig 1799, sydd yn Oriel y Tate yn Llundain. Ysywaeth, lluniau dyfrlliw heb eu gorffen ydynt, yn wahanol i'r gyfres o luniau gogoneddus o harbwr a chastell Caernarfon. Ymwelodd hefyd â Dyffryn Gwyrfai, ac mae llun hyfryd o Lyn Cwellyn a nifer o frasluniau a wnaed ym 1798 hefyd yn y Tate.