Afon Gochoer

Ffurfiai Afon Gochoer ffin ogleddol hen drefgordd Bodellog. Mae'r afon yn codi ar gyrion Cors y Llyn ychydig i'r de o bentref Nebo, ac yn llifo i'r gorllewin heibio i ffermydd Glan-yr-afon ac Eisteddfa. Yn y fan honno, roedd melin lifio coed yr arferid ei throi trwy rym dŵr Afon Gochoer. Aiff yr afon yn ei blaen heibio i fferm Bryn-y-gro ac i safle hen felin yr Arglwydd, Melin Bryn-y-gro, gyda'i hanes yn ymestyn yn ôl i'r canol oesoedd. Mae Afon Gochoer yn ymuno ag Afon Llyfni ger Dol-gau.

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma