William Farren
Roedd William Farren (g.1839) yn frawd iau i George Farren ac yn gyd-berchennog a cyd-reolwr chwareli Trefor yua diwedd y 19g.
Mae Cyfrifiad 1901 yn dangos fod ganddo wraig iau o lawer na fo ei hun, sef Isabel, dynes o Iwerddon a aned ym 1868, a dau o blant William Ignatius G, a aned ym 1892 ym Mangor, a Reginald Joseph a aned ym 1896 yng Nghaernarfon. Fe ddangosir y Cyfrifiad ym 1901 nad oedd neb o'r teulu'n gallu siarad Cymraeg.[1] Erbyn 1911, roedd William y mab yn yr R.A. College, Cirencester,[2] ar ôl cvyfnod yng Ngholeg Stonyhurst. Bu farw yn y Rhyfel Byd Cyntaf ar ôl cyrraedd y ranc o Liwtenant yn y Ffiwsilwyr Cymreig.[3] Arhosai Reginald gyda'i fam yng Nghaernarfon, gan barhau i fyw yn "The Mount", Lôn Priestley, Caernarfon hyd o leiaf 1939, pan nodwyd fod Reginald yn anabl a ddim yn gweithio.[4]
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma