Crib Nantlle
Crib Nantlle yw'r enw ar gefnen uchel o fynyddoedd ar ochr ddeheuol Dyffryn Nantlle. Mae'n ffurfio ffin deheuol Uwchgwyrfai hefyd, rhwng y cwmwd hwnnw a Chwm Pennant yng nghwmwd Eifionydd. O'r dwyrain i gyfeiriad y gorllewin, y mynyddoedd sy'n ffurfio Crib Nantlle yw Y Garn, Mynydd Drws-y-coed, Trum y Ddysgl, Mynydd Tal-y-mignedd, Craig Cwm Silyn, Garnedd Goch, Craig Cwm Dulyn ac yn terfynu gyda Mynydd Craig Goch. Mae'r darn uchaf, sef ar Graig Cwm Silyn, yn 2408 o droedfeddi uwchben y môr.[1]
Mae cerdded Crib Nantlle yn daith boblogaidd gyda cherddwyr mynydd profiadol, ond mae darnau serth ac ambell i le peryglus sydd yn gwneud y daith yn anaddas ar gyfer y rhai llai egnïol neu lai profiadol.
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ Mapiau Ordnans