Pont Faen (Llanwnda)

Pont Faen yw'r bont isaf ar Afon Gwyrfai, ac mae wedi rhoi ei enw i'r fferm gerllaw. Saif ar ffin cwmwd Uwchgwyrfai ger pentref modern Saron, rhwng plwyfi Llanwnda a Llanfaglan (sydd yn Isgwyrfai), ar y ffordd o Gaernarfon i Landwrog. Ar un adeg roedd ffrwd felin yn rhedeg o'r afon ben ucha'r bont i'r felin, Melin y Bont-faen, a safai ychydig yn nes at y môr. Gan fod y felin honno wedi ei hadeiladu tua dechrau'r 17g, dichon bod bont gynharach na'r un bresennol wedi croesi'r afon yn y fan hon.

Adeiladwyd y bont o'r newydd ym 1833-4 fel pont gyda dau fwa 16' ar draws dros yr afon. William George Owen, Caernarfon, peiriannydd oedd y contractor, a wnaed y bont yn unol â chynllun John Lloyd, syrfewr y sir am £180.

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma