Melin Wyrfai

Mae Melin Wyrfai'n dal i sefyll ger y bont ym mhentref Y Bontnewydd, er iddi gau fel melin ŷd ers llawer i flwyddyn. Yn ôl yr hanesydd Gilbert Williams, melin weddol ddiweddar yw'r felin hon, a thad Elis Wyn o Wyrfai, sef Morris Roberts (Eos Llyfnwy), melinydd wrth ei alwedigaeth, yn un o'r pedwar a'i hadeiladodd. Byddai hyn yn gosod dyddiad yr adeilad rhywbryd rhwng 1820 ac 1860. Ers blynyddoedd mae wedi cael ei defnyddio fel adeilad ar gyfer cwmni o adeiladwyr ac fel gweithdai i nifer o fusnesau eraill. Pan oedd yn gweithio fel melin, roedd cafn melin yn dod â'r dŵr o fan yn uwch i fyny'r afon.

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma