W.A. Provis
Roedd William Alexander Provis (1792-1870) yn beiriannydd a syrfewr a fu'n gweithredu fel peiriannydd preswyl Thomas Telford wrth i Bont y Borth (neu Bont Menai) gael ei chodi. Fe'i ganwyd yn Swydd Gaergrawnt, ond teithiodd ymhell ac agos lle bynnag y câi waith ym Mhrydain, cyn ymddeol i ystad fechan yn Ellesmere, Swydd Gaer.[1] Bu'n byw ger y Garth ym Mangor tra oedd y gwaith ar Bont y Borth yn mynd rhagddo, ac yn ystod y cyfnod hwnnw fe'i comisiynwyd hefyd i wneud yr arolwg a'r mapiau statudol ar gyfer adeiladu Rheilffordd Nantlle ac yn y cyd-destun hwnnw mae ganddo le yn hanes Uwchgwyrfai. Mae ei fap gwreiddiol yn dangos llwybr arfaethedig Rheilffordd Nantlle ar gael hyd heddiw yn Archifdy Caernarfon.