Elis Dafydd

Bardd a fagwyd yn Nhrefor yw Elis Dafydd, ac mae'n frawd iau i'r Prifardd Guto Dafydd. Fel ei frawd, dechreuodd Elis Dafydd ymhel â llenydda a barddoni yn ei arddegau, pan oedd yn ddisgybl yn Ysgol Glan y Môr, Pwllheli, gan ennill nifer o wobrau mewn eisteddfodau lleol. Enillodd Gadair Eisteddfod Genedlaethol yr Urdd yn Eisteddfod Caerffili a'r Cylch yn 2015 ac mae wedi cyhoeddi cyfrol fer o gerddi, "Chwilio am dân" (Cyhoeddiadau Barddas), yn 2016. Fel ei frawd, graddiodd Elis Dafydd gyda dosbarth cyntaf yn y Gymraeg o Brifysgol Bangor a chyflawnodd waith ymchwil am ddoethuriaeth ar fywyd a gwaith y llenor John Rowlands. Bu'n gweithio fel cyfieithydd gyda Chyngor Bwrdeisdref Conwy am gyfnod byr ac yn 2021 fe'i penodwyd i swydd ddarlithio yn ei hen adran, Adran y Gymraeg Prifysgol Bangor.

 Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma