Cymorth

Creu cyfrif

Os ydych chi am olygu, ewch i greu cyfrif newydd.

Byddwch wedyn yn medru golygu unrhwy dudalen yn syth ond dim ond cyfrifon sydd wedi bodoli am fwy na 24 awr fydd yn gallu creu tudalennau newydd sbon.

Mae'n ddigon hawdd golygu'r wici yma:

1. Ewch i'r erthygl briodol a chliciwch Golygu ar frig y ddalen.

2. Ewch ati i newid yr erthygl.

3. Yna cliciwch 'Cyhoeddi newidiadau.

Hawdd fel baw!

Arferion da

Er mwyn ei gwneud hi'n hawdd i'r darllenydd fforio o gwmpas y wefan, mae cysondeb arddull yn eitha pwysig, neu mi eith hi'n rhemp!

Ia! Ewch ati i olygu, gan newid ac ychwanegu at erthyglau, ond cofiwch y daw eraill ar eich hôl gyda chrib mân - a siswrn! Does dim yn orffenedig, a gwaith ar y gweill ydy Cof y Cwmwd! Byddwch gwrtais a goddefgar!

Gall eich golygiad fod yn un bychan iawn - cywiro teipio gwallus er enghraifft, neu fe allech ychwanegu paragraff neu ddau, neu dri! Mae'n hanfodol fod eich arddull yn ddealladwy i bawb, a'ch ysgrifen yn glir, gan gadw mor wrthrychol â phosib. Cofiwch mai cofnodion hanesyddol sydd yma, ac nid dyddiadur personol! Mae'n bwysig, felly, mai ffeithiau sydd yma, ac nid barn bersonol.

Mae codio wici ymhlith y codio mwyaf syml sydd ar gael. Pwrpas pob wici yw rhoi llwyfan i nifer o bobl i gyd-sgwennu, i greu gyda'i gilydd. Cyn hir, fe ddaw hyn fel ail natur i chi: byddwch yn italeiddio gyda dwy gollnod, ac yn creu print bras drw roi tair - mae ychydig o'r codio symlaf wedi'i restru isod. Rhowch gynnig arni ar eich tudalen defnyddiwr chi eich hun.

Dyma ganllaw o'r codio symlaf i chi:

Disgrifiad	Teipiwch hyn	... a dyma sydd i'w weld
Testun italig	''italig''	italig
Testun trwm	'''trwm'''	trwm
Trwm ac italig	''''' Trwm ac italig '''''	Trwm ac italig
Atal y codio-wici	<nowiki> ''atal y cod''</nowiki>	''atal y cod''
Penawdau	== Lefel 2 == === Lefel 3 === ==== Lefel 4 ====	Lefel 2 Lefel 3 Lefel 4
Llinell lorweddol	Testun cyn ---- Testun yn dilyn	Testun cyn Testun yn dilyn
Dolen i erthygl arall Glas: dolen lwyddiannus; Coch: dolen aflwyddiannus	[[Trefor]] [[Trefor]]od	Trefor Trefor
Peipen sy'n newid yr hyn a welir ar y sgrin	[[Trefor|Pentref Trefor]]	Pentref Trefor
Treigladau: defnyddiwch yr un system i greu treiglad	yng [[Trefor|Nhrefor]]	yn Nhrefor
Dolen goch mae dolen goch yn arwain i nunlle - dydy'r ddalen neu'r erthygl heb ei chreu eto. Ewch ati!	[[erthygl ar goll]]	erthygl ar goll
Ffynhonnell (neu "gyfeiriad") mae'r ffynhonnell ei hun yn mynd o fewn yr erthygl, ond mae'n ymddangos ar y gwaelod - ble y rhoddir y Nodyn / cod yma: {{cyfeiriadau}}.	Roedd 350 yn byw yn Nhrefor yn 1834.<ref>Allan o Hanes Trefor gan John Jones; Gwasg y Gwynt (2019). Cyfeiriadau: {{cyfeiriadau}}	Roedd 350 yn byw yn Nhrefor yn 1834.<ref>Allan o Hanes Trefor gan John Jones; Gwasg y Gwynt (2019). Cyfeiriadau:
Arwyddo ar Dudalennau Sgwrs Nid mewn erthygl! Rhowch 4 sgwigl (tilde)	~~~~	Enw'r Defnyddiwr (sgwrs) 18:30, 10 Mawrth 2013 (UTC)
Gwefan	http://www.wicipediacymraeg.org	http://www.wicipediacymraeg.org
Dolen i wefan	[http://www.wicipediacymraeg.org]	[1]
Dolen i wefan ac enw	[http://www.wicipediacymraeg.org Wicipedia]	Wicipedia
Croesi allan eich sylw i ddangos eich bod wedi newid eich meddwl	<s>Yn fy marn i dydy'r erthygl ddim yn ddiduedd.</s>	Yn fy marn i dydy'r erthygl ddim yn ddiduedd.
Cuddio testun yn yr erthygl cyn newid y rhan hon darllenwch Wicipedia:Cymorth	<!--Yn fy marn dydy'r erthygl ddim yn ddiduedd.-->
Delwedd	[[Delwedd:Hen orsaf bont 2015 (8).JPG|bawd|100px|Ychwanegwch eich testun]]	Ychwanegwch eich testun

Crynhoi eich newidiadau

Cyn i chi gyhoeddi (neu arbed) eich gwaith, rhowch grynodeb o'r hyn rydych wedi'i wneud ee 'Cywiro iaith' neu 'ychwanegu delwedd i'r erthygl'.

Mae hyn yn cynorthwyo gweinyddwyr y wici i gadw llygad ar yr holl newidiadau.

Arddangos Rhagolwg

Dyma eich dull o weld drafft o'ch gwaith cyn ei gyhoeddi! Hanfodol! Ewch i'r arferiad da o glicio ar y botwm hwn pob tro cyn ei gyhoeddi! mi arbedith lawer!

Y Ddalen 'Swgrs'

Ar bob erthygl ceir dalen Sgwrs: os ydych yn dymuno trafod ryw agwedd o'r erthygl, yna gadewch neges ar y ddalen honno, a chofiwch arwyddo ar y diwedd gyda 5 sgwigl (neu tilde). Dyma'r lle i chi drafod eich pryderon, gynnig gwelliant ayb.