Gweld cod am Gwilym Ddu o Arfon

Bardd a oedd yn byw ar ddiwedd y 13g. a dechrau'r 14g. oedd '''Gwilym Ddu o Arfon'''. Dywedir mai ei gartref oedd ger safle hen ffarm [[Tyddyn Tudur]] sydd bellach wedi ei ddymchwel. Nid oedd nepell o [[Plas Glynllifon|Blas Glynllifon]], a hyd nes i [[Spencer Bulkeley Wynn, 3ydd Arglwydd Newborough]] ailddylunio [[Parc Glynllifon]] tua 1840, roedd yno hen furddun a elwid yn "Muriau Gwilym Ddu'' a chwalwyd er mwyn creu planhigfa goed addurniadol.<ref>W.R. Ambrose, ''Nant Nantlle'' (Pen-y-groes, 1872), t.39</ref>

Syr Gruffudd Llwyd o Dregarnedd a Llys Dinorwig oedd ei brif noddwr, ac ysgrifennodd awdl farwnad i Drahaearn Brydydd ap Goronwy hefyd, sydd i'w gweld yn Llyfr Coch Hergest. Priodolir iddo englyn a ysgrifennwyd i ddathlu coroni Iorwerth II o Loegr ym 1307. Ymddengys fod Syr Gruffydd Llwyd wedi bod yn gefnogol i Iorwerth I a gorsedd Lloegr (hyd nes iddo benderfynu gwrthryfela a chael ei garcharu yng Nghastell Rhuddlan am hynny ym 1322, pryd cyfansoddodd Gwilym Ddu "Awdl y Misoedd".<ref>''Y Bywgraffiadur Cymreig'', (Llundain, 1953), t.306</ref> Dichon iddo ddioddef fel pob bardd llys oherwydd colli nawdd llysoedd y Tywysogion a'r arglwyddi Cymraeg.<ref>Meic Stephens (gol.), ''Cydymaith i Lenyddiaeth Cymru'', (Caerdydd, 1986), t.245</ref>

Golygir gwaith y bardd gan R. Iestyn Daniel yn: N.G. Costigan (Bosco) ac eraill (gol.), ''Gwaith Gruffudd ap Dafydd ap Tudur, Gwilym Ddu o Arfon, Trahaearn Brydydd Mawr ac Iorwerth Beli'' (Aberystwyth, 1995).

==Cyfeiriadau==

[[Categori:Pobl]]
[[Categori:Beirdd]]