Y Wesleaid yng Nghlynnog

Ni fu 'achos Wesleaidd yng Nghlynnog erioed yn ffurfiol, ond yn nyddiau cynnar yr enwad, bu ychydig o weithgarwch yn yr ardal. Daeth Wesleaeth (sef y gangen o'r Methodistiaid a ddilynai syniadau John Wesley) i'r sir ym mlynyddoedd cyntaf y 19g., saf o gwmpas 1803-4, ac mae Eben Fardd yn honni bod pregethu ysbeidiol yng Nglynnog Fawr o'r adeg honno. Bu pregethu grymus a gwresog, yn aml mewn cyrddau mewn stabl neu yn yr awyr agored. Defnyddid stôl yn lle pulpud yn ôl Eben Fardd. Serch hyn, ni lwyddwyd i godi digon o gefnogaeth na gosod digon o wreiddiau yn y plwyf i achos Wesleaidd gael ei sefydlu, a'r achos agosaf i Glynnog oedd yr achosion ym Mhen-y-groes, sef Capel Horeb (W), Pen-y-groes ac achos Capel Salem (W), Tŷ'nlôn, plwyf Llandwrog.

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma