Tom Bowen Jones
Ffermwr, pysgotwr, cenedlaetholwr a bardd oedd Tom Bowen Jones (19 - ), Gwydir bach, Trefor. Yr oedd yn frawd i Robert Herbert Jones, bardd arall crefftus, a adweinid fel Robin Gwydir Bach.[1]
Cychwynnodd farddoni'n ifanc. Medd Cynan mewn erthygl yn Lleufer:
"Ond yn wir i chi...dyma hogyn pedair ar bymtheg oed ataf â'r englyn campus hwn...i:
Fynwent y Milwyr
O! Dirioned yw'r huno - sy o fewn
Y ddwys fynwent honno,
Y gwelw griw mewn gwelâu gro
O'r ffosydd yn gorffwyso.
Amaethwr ifanc, Ton Bowen Jones, yw'r awdur."[2]
Yn Awst 1968 cynhaliwyd Y Genedlaethol yn Y Barri a’r Fro. Testun yr englyn oedd Map a’r enillydd oedd Tom Bowen Jones. Rhestrir yr englyn ymhlith dwsin englyn gorau yr Eisteddfod Genedlaethol yn y ganrif ddiwethaf, yn ôl Dafydd Islwyn[3].
Map
Yn hwn o hyd chwilio a wnaf -ar fy hynt
Am ryw fan a geisiaf;
Ond ynddo chwilio ni chaf
Yn niwl y siwrne olaf.
Ar y cyd â Tecwyn Jones, bardd gwlad o Eifionydd, fe gyhoeddodd ddetholiad o gerddi ym 1981. [4].
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma