Morys Clynnog
Diwinydd Cristnogol oedd Morys Clynnog (c.1523-1581).
Deuai’r diwinydd o Glynnog, ac aeth ymlaen i Goleg Crist, Rhydychen a graddio gyda B.C.L. yn 1548. Dyrchafwyd ef yn Esgob Bangor yn 1558, yn dilyn marwolaeth Dr. William Glyn. O dan drefn newydd Elisabeth 1af, alltudiwyd ef i Rufain tua 1578, a daeth yn reithor yn y Coleg Seisnig newydd yno. Gorchmynnwyd iddo adael ei rôl flwyddyn yn ddiweddarach, dan bwysau gan yr aelodau Jeswitaidd. Bu iddo farw yn 1581 tra oedd yn teithio i Sbaen.
Cyhoeddodd lyfr catecism, sef ‘Athraviaeth Gristnogol’.