John Preis

Crwydryn enwog o Gapel Ucha Clynnog oedd John Preis.

Fe'i ganwyd ym 1894 , ac fe'i magwyd, yn Nhyddyn y Garreg, Capel Ucha Clynnog yn bedwerydd o bedwar plentyn Richard Price (1845-1924) ac Elizabeth Price (1856-1818). Hanai'i dad o deulu Tyddyn Madyn, a'i fam o deulu Hafod-y-rhiw uwchlaw Brysgyni. Dyma enwau'r plant :

Annie : ganwyd 1884 a bu'n athrawes ysgol ac yn byw yng Nghlwt-y-bont ger Deiniolen. Bu farw yn y 1960'au.

Jane : ganwyd 1886 ond bu farw'n bymtheg oed ar 8 Chwefror 1901.

Richard : ganwyd 1889. Ymfudodd i dalaith British Columbia yng Nghanada. Bu farw'n lled ieuanc yn Vancouver.

John : ganwyd 1894. Aeth yn grwydryn tua 1924 ar ôl claddu'i dad.

Treuliodd y tair blynedd ar ddeg olaf o'i oes yng Nghartref Bron-y-garth, Penrhyndeudraeth.

Bu farw, yn 91 oed, ar 15 Hydref 1985 ac fe'i claddwyd ym meddrod y teulu ym mynwent Capel Ucha Clynnog.