Maria Stella

Arglwyddes Newborough oedd Maria Stella (16 Ebrill 1773 – 28 Rhagfyr 1843).

Ganwyd Maria Stella Petronilla ym Modligiana, Yr Eidal i Lorenzo Chiappini a’i wraig Vincentia Diligenti. Magwyd hi yn Florence, a buodd fyw yn yr ardal hyd nes yr oedd yn 19 mlwydd oed.

Pan yn 13, priodwyd hi a’r Syr Thomas Wynne, Arglwydd Newborough tra roedd yn ymweld a Florence. Buodd y ddau yn byw yn yr ardal am gyfnod cyn symud i fyw yn barhaol yng Nglynllifon, Llandwrog ar ôl cyfnod o drafferthion ariannol. Ganwyd iddynt fab, Thomas John Wynne ar 3 Ebrill 1802, a Spencer Bulkeley Wynne 23 Mai 1803. Ar ôl marwolaeth ei gŵr yn 1807, priododd â'r Barwn Ungern Steinberg o Rwsia, lle preswyliodd y ddau, ac wedyn ym Mharis tan ei marwolaeth yn 1843.

Mae Maria Stella yn nodedig o’i chyfnod am geisio profi ei bod yn wir etifedd i goron Ffrainc, gan ei bod wedi ei rhoi yn blentyn i Lorenzo Chiappini. Cyhoeddod ei hunangofiant yn 1830 (‘Maria Stella ou un éclhange d'une demoiselle du plus haut rang contre in garçon de plus vile condition’), a buodd yn penderfynol ei chais drwy gydol ei hoes.