Criw y Cei

Roedd Criw y Cei yn gymdeithas answyddogol o bobl ifanc yn Nhrefor oedd yn ymhyfrydu yn y gamp o neidio i'r môr oddi ar y Cei yn Nhrefor. Fe'i sefydlwyd ym 1986 pan adnewyddwyd y Cei Pren. Dros y blynyddoedd ehangwyd y gamp o neidio i lefydd eraill ar y glannau megis y Brêc, Brêc Bach, Ynys Gachu, a'r hafn brawychus yn y Fraich Las ble mae mynydd Garnfor yn codi o'r môr. Er nad yw'r gymdeithas yn bodoli erbyn heddiw (oherwydd bod ei sylfaenwyr wedi mynd yn rhy hen a llwfr i neidio) mae'r gamp yn dal i flodeuo yn y pentref, a chenedlaethau o Dreforiaid newydd yn parhau i gael blas mawr ar daflu ei hunain oddi ar y cei i'r dyfnderoedd.