Pont Glan-rhyd
Mae Pont Glan-rhyd yn croesi Afon Rhyd tua chanllath i'r Gogledd o gyffordd ffordd Ffingar ym mhlwyf Llanwnda - wrth gapel Glan-rhyd. Mae'r gefnffordd A487 o Gaernarfon i Borthmadog yn rhedeg drosti. Dichon ei fod yn hanu o gyfnod creu'r ffordd dyrpeg ar ôl pasio Deddf Ymddiriedolaeth Dyrpeg Sir Gaernarfon (8&9 George III 1768-9), ond cyn 1810 gan fod sôn am ledu ffyrdd o Bont Glan-rhyd trwy Lanllyfni a Garn Dolbenmaen hyd y Traeth Mawr mewn deddf arall abasiwyd y flwyddyn honno.[1] Cyn codi'r bont cafwyd rhyd yma a elwid yn Rhyd-y-dimpan, sy'n cael ei dangos ar rai mapiau cynnar o'r ardal.
Cyfeiriadau
- ↑ R T Pritchard, The Caernarvonshire Turnpike Trust, Trafodion Cym. Hanes Sir Gaernarfon, Cyf.17 (1956), tt.65-6