Capel Saron (MC), Pen-y-groes
Capel Methodistaidd ym mhentref Pen-y-groes oedd Capel Saron, Pen-y-groes (MC)[1].
Adeiladwyd y capel ym 1883 fel cangen o Gapel Bethel, a chostiodd y gwaith £200. Roedd y capel yma hefyd yn daith gyda Chapel Nebo yn ystod ei flynyddoedd cynnar, cyn i'r ddau gapel fynd ar eu liwt eu hunain tua 1888[2].
Codwyd estyniad ar y capel er mwyn ei ehangu ym 1897, a'r gost am hynny oedd £750. O ganlyniad i hyn, roedd tua 166 o bobl a 84 o blant yn mynychu'r capel ym 1897. Dymchwelwyd y capel tua 2000 er mwyn gwneud lle ar gyfer capel newydd.
Ar y safle hwn heddiw mae adeilad modern Capel y Groes (MC), Pen-y-groes, sef uniad o gapeli Bethel a Saron[3].
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ [1] Cofnod o'r Capel yma ar wefan Genuki.org
- ↑ Hobley, W. Hanes Methodistiaeth Arfon, Dosbarth Clynnog (Cyfarfod Misol Arfon, 1921) tt. 302, 342-345
- ↑ Gwefan Henaduriaeth Arfon