John Roberts, Hafod-y-Wern, Clynnog

Oddi ar Cof y Cwmwd
Fersiwn a roddwyd ar gadw am 17:05, 21 Mai 2021 gan Irion (sgwrs | cyfraniadau)
Neidio i'r panel llywio Neidio i'r bar chwilio

Uchelwr o Hafod-y-Wern, Clynnog Fawr oedd John Roberts (? - tua 1700). Roedd yn ŵyr i John Roberts o Hafod-y-Wern, ac yn fab i William Roberts (ganed 1633) a Helen Griffith.[1] Roedd yn ddisgynnydd trwy ei fam i deulu Bryncir. Priododd Margaret, ail ferch Henry Williams o Dyddewi, Uchelwr, ar y cyntaf o Ionawr 1697. Ganwyd mab iddynt, Henry Roberts yn 1699. Ond bu farw John Roberts yn Bengal, India tua diwedd y flwyddyn 1700.[2] 1700 oedd dechrau’r cyfnod pan oedd Prydain yn lledu ei gorwelion yn enw Cwmni Dwyrain India.

Priododd ei weddw â David Pardoe, Ficer Corawl Tyddewi, ar Dachwedd 23ain 1704.

Priododd Henry Roberts ei fab â Mary, merch John Parry o Glangwna, Caeathro ym 1728. Roedd yn swyddog ecseis. Bu farw fis Rhagfyr, 1761. Ei fab yntau (ac unig blentyn y ddau) oedd yr Hybarch. John Roberts, (1829-1802), rheithor Llanbedrog ac Archddiacon Meirionnydd. Fe werthodd Glangwna (ac, o bosibl, Hafod-y-Wern).[3]

Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma


Cyfeiriadau

  1. ↑ J.E. Griffith, Pedigrees of Anglesey and Caernarvonshire Families (Horncastle, 1914), t.250
  2. ↑ Cyff Beuno gan Eben Fardd, t. 75, Argraffwyd a chyhoeddwyd gan Robert Isaac Jones, Tremadog, 1863. [1]
  3. ↑ C, 268
Wedi dod o "https://cof.canolfanuwchgwyrfai.cymru/index.php?title=John_Roberts,_Hafod-y-Wern,_Clynnog&oldid=11603"