Llion Huws

Penodwyd Llion Dwyryd Huws yn brifathro Ysgol Trefor yn 2017, gan olynu Cai Larsen yn y swydd. Magwyd Llion Huws ar fferm Mynachdy Bach yn ardal Brynengan yn Eifionydd (y fferm lle treuliodd y bardd nodedig Robert ap Gwilym Ddu ei flynyddoedd olaf). Graddiodd yn y Gymraeg o Brifysgol Bangor. Mae wedi ymgartrefu gyda'i deulu ym Mhorthmadog ac mae'n rhedwr ac athletwr brwd.