John Evan Williams

Oddi ar Cof y Cwmwd
Fersiwn a roddwyd ar gadw am 20:03, 2 Gorffennaf 2019 gan Hebog (sgwrs | cyfraniadau)
(gwahan) ← Fersiwn blaenorol | Fersiwn diweddaraf (gwahan) | Fersiwn mwy newydd → (gwahan)
Neidio i'r panel llywio Neidio i'r bar chwilio

Prifathro Ysgol Trefor o 1878 tan 1883 oedd John Evan Williams. Fo oedd prifathro cyntaf yr ysgol, sef ysgol y Cwmni Ithfaen Cymreig a agorwyd, gyda 156 o ddisgyblion, ar y 12fed o Awst 1878.

Fe'i ganwyd ym 1856 yn fab i John Williams, brodor o Fangor oedd yn saer coed ar Stad y Penrhyn, a'i wraig Jane Williams, genedigol o Everton ac yn wneuthurwraig hetiau. Eu cartref oedd Trefelin, Llandygai ger Bangor. Bu'n ddisgybl yn ysgol y pentref hwnnw.

Oherwydd cwymp sydyn yn y fasnach gerrig, caewyd Chwarel yr Eifl ar yr 22ain o Fawrth 1883. Oherwydd hyn, cwta fis yn ddiweddarach, ar y 24ain o Ebrill 1883, caeodd y Cwmni Ithfaen Cymreig yr ysgol gan ddiswyddo yr holl staff. Bu'r ysgol ynghau tan y cyntaf o Hydref 1883.

Wedi dod o "https://cof.canolfanuwchgwyrfai.cymru/index.php?title=John_Evan_Williams&oldid=6441"