Ysgol Dyffryn Nantlle
Ysgol uwchradd ar gyfer disgyblion 11-19 oed wedi ei lleoli ym Mhenygroes yw Ysgol Dyffryn Nantlle. Arwyddair yr ysgol yw Delfryd, Dysg, Cymeriad. Sefydlwyd yr ysgol ym 1898 fel Ysgol Ramadeg Pen-y-groes ar y safle lle saif ysgol gynradd y pentref, sef Ysgol Bro Lleu heddiw.
Arwyddair yr ysgol ydy "Delfryd dysg, cymeriad".
Roedd 558 o ddisgyblion yn yr ysgol yn 2006. Gall 91% o'r disgyblion siarad Cymraeg i lefel iaith gyntaf, er mai 78% sy'n dod o gartrefi lle'r Cymraeg yw'r brif iaith.
Eisteddfod Gadeiriol Ysgol Dyffryn Nantlle ydy un o'r Eisteddfodau Ysgol hynaf yng Nghymru, a gynhelir ar ddiwedd mis Hydref. Yn Rhagfyr 2008, fe wnaeth yr ysgol gymryd rhan mewn cyngerdd ynghyd â Bryn Terfel yn Galeri, Caernarfon; gan ganu chwe chân newydd â gomisiynwyd gan Robat Arwyn - yn dwyn y teitl: 'Yn d'Olau di'.
Ceir tua 550 o ddisgyblion yn yr ysgol, ac mae'n gwasanaethu Pen-y-groes a phentrefi cyfagos Dyffryn Nantlle.[1]
Disgyblion enwog
Bryn Fôn Syr Bryn Terfel Dafydd Glyn Jones R. Williams Parry Elan Closs Stephens Angharad Tomos Betty Williams AS Owain Fôn Williams
Dolenni allanol
Erthygl am Ysgol Dyffryn Nantlle ar Wicipedia
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
- ↑ Wicipedia