Hywel Gethin
Roedd Hywel Gethin (fl. 1475-1500) o blwyf Clynnog Fawr yn fardd a oedd yn byw tua diwedd y 15g.[1] Meddir ei fod yn achyddwr yn ogystal â bardd ond yr unig weithiau sydd yn bendant o'i eiddo ac sydd wedi goroesi yw cywydd yn canmol pedwar mab Rhys ap Hywel ap Madog o Lanystumdwy; a chywydd i ganmol tafarnwraig o Gorwen. Mae nifer o hen lyfrau wedi honni ei fod yn byw tua 1570-1600, ond mae'n amlwg fod Eben Fardd ac eraill wedi cael eu camarwain, gan fod y cywydd i feibion Rhys ap Madog yn canmol pedwar brawd a oedd yn byw tua 1500.
Yr ail gywydd i oroesi, ac sydd wedi ei gyhoeddi, yw'r cywydd i Leucu ferch Fleddyn, tafarnwraig o Gorwen. Mae hwn yn rhan o lawysgrif ychwanegol yr Amgueddfa Brydeinig, 14967. Ymddangos o'r cyd-destun mai aelod o deulu Nannau oedd Lleucu, ac o dras bonheddig felly.[2]
Mae'r cywydd ar gael mewn llythyr a anfonodd Eben Fardd at olygydd Y Brython ym 1860.[3]