Neuadd Goffa Pen-y-groes
Codwyd Neuadd Goffa Pen-y-groes yn ystod y 1920au ar safle'r hen Neuadd y Farchnad. Mae'r adeilad yn wynebu safle Gorsaf reilffordd Pen-y-groes yn hytrach na bod yn amlwg o ganol y pentref. Mae elfennau (digon amrwd) o arddull y cyfnod, yn arbennig lle mae'r arysgrif uwchben y prif fynediad yn y cwestiwn.
Y tu allan, ar ganol Sgwar y Farchnad, y mae cofeb rhyfel y pentref gydag englyn enwog R. Williams Parry arni.
Cafwyd grantiau loteri ar ddechrau'r 2010au, a defnyddir y neuadd a'i dwy brif ystafell, parlwr a chegin ar gyfer sawl weithgaredd hyd heddiw, gan gynnwys Sioe Arddio, ffeiriau, prydau cymunedol, dosbarthiadau a darlithoedd.