Capel Saron (B), Llanaelhaearn
Un o hen achos y Bedyddwyr yn Sir Gaernarfon oedd yn gyfrifol am godi Capel Saron ym mhentref Llanaelhaearn. Mae'r adeilad, sydd wedi ei addasu'n llwyr yn dŷ annedd, yn sefyll ar ochr y lôn gefn o Lanaelhaearn i gyfeiriad Trefor. Adeiladwyd y capel yn wreiddiol ym 1814.[1] Cyn hynny, roedd y gynulleidfa wedi bod yn addoli yn nhŷ Hendre Fawr nid nepell i ffwrdd.[2]
Y gweinidog cyntaf i dderbyn galwad o'r eglwys y Bedyddwyr yn Llanaelhaearn oedd y Parch. Simon James, yn enedigol o Eglwys-wen, Sir Benfro, a bu'n gweinidogaethu yma rhwng 1812 a 1824.[3]
Ym 1847, roedd 20 o ddisgyblion dan 15; 34 dros 15 yn mynychu'r ysgol Sul.[4]
Ddechrau'r ganrif ddiwethaf, y Parch. J. Phillips, yn enedigol o Gas-mael, Sir Benfro oedd y gweinidog. Cafodd alwad i Lanaelhaearn o Drawsfynydd ym 1909[5] a roddwyd tysteb iddo ym 1913 i gydnabod ei lafur.[6]
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma
Cyfeiriadau
- ↑ Gwefan Coflein, [1], adalwyd 29.6.2021
- ↑ Gweler yr erthygl ar Pen Hendra
- ↑ 'Pembrokeshire County Echo, 16.9.1909, t.4
- ↑ Reports of the Commissioners of Inquiry into the State of Education in Wales Atodiad i Gyf.III (Llundain,1847), tt.274-282
- ↑ 'Pembrokeshire County Echo, 16.9.1909, t.4
- ↑ Seren Cymru, 21.3.1913, t.12