Bron Dirion
Mae Bron Dirion yn dŷ sylweddol ger Brynaerau a Phontlyfni. Fe'i codwyd yn y 19g., a bu ar un adeg yn gartref i deulu Christian - mae Edgar Christian yn enwog fel anturiaethwr ifanc a fu farw yng Ngogledd Canada, gan adael dyddiadur ingol ar ei ôl.
Tua diwedd ei oes, bu Austin Hopkinson (1869-1962), aelod seneddol Mossley ym Manceinion am flynyddoedd lawer, yn byw yma. Roedd o'n ddiwydiannwr a arbenigai mewn offer ar gyfer y diwydiannau mwyngloddio,[1] a dichon oherwydd ei gysylltiad â'r ardal agorwyd Ffatri Pikrose (y cwmni a sefydlodd) ym 1970.[2]
Erbyn hyn, mae Bron Dirion yn cael ei osod i griwiau ar gyfer gwyliau hunamarlwyol. Mae'n bechod nad oes sôn am Edgar a'i hanes ar y wefan sydd yn ei hysbysebu: felly mae hanes yn mynd ar goll!
Mae'r erthygl hon yn eginyn. Gallwch helpu prosiect Cof y Cwmwd drwy ychwanegu ati . Mae manylion am sut i wneud hyn yma