Janet Thomas

Roedd Janet ('Jenat') Thomas (1813-93) yn un o Fedyddwyr llengar plwyf Llanaelhaearn, ac yn wraig hynod o dduwiol. Roedd yn aelod yng nghapel y Bedyddwyr, Saron, ym mhentref Llanaelhaearn.

Darllenai ei Beibl yn ddyddiol - yng ngolau cannwyll frwyn - ac wedi iddi orffen ei ddarllen, pob gair o'i ddechrau i'w ddiwedd, ddeugain (40) o weithiau erbyn cyrraedd ei phen-blwydd yn saith deg oed (Oed yr Addewid), cyfansoddodd y pennill hwn a'i anfon i'r wasg. Fe'i cyhoeddwyd yn Dysgedydd y Plant. Mai 1884.

Darllen y Beibl
O Feibl fy annwyl Iesu
Ti roddaist y mi hedd,
A llawer o lawenydd
Yr ochor hon i'r bedd;
'Rwyf wedi ei briodi
Tra yma ar y llawr,
Ac ni wahenir mo'nom
I dragwyddoldeb mawr.