Tom Huws: Gwahaniaeth rhwng fersiynau
Irion (sgwrs | cyfraniadau) Dim crynodeb golygu |
Irion (sgwrs | cyfraniadau) Dim crynodeb golygu |
||
| Llinell 1: | Llinell 1: | ||
[[Delwedd:Tom Huws 1970.jpg|bawd|de|300px|Tom Huws ym 1970]] | [[Delwedd:Tom Huws 1970.jpg|bawd|de|300px|Tom Huws ym 1970]] | ||
[[Delwedd:Y Prifardd Tom Huws.JPG|bawd|400px| | [[Delwedd:Y Prifardd Tom Huws.JPG|bawd|400px|chwith]] | ||
[[Delwedd:Coroni Tom Huws.jpg|bawd|de|450px|Tom Huws yn cael ei gadeirio. Cynan sydd ar y chwith eithaf]] | [[Delwedd:Coroni Tom Huws.jpg|bawd|de|450px|Tom Huws yn cael ei gadeirio. Cynan sydd ar y chwith eithaf]] | ||
[[Delwedd:Coron Tom Huws 2.jpg|bawd|chwith|250px]] | [[Delwedd:Coron Tom Huws 2.jpg|bawd|chwith|250px]] | ||
Fersiwn yn ôl 17:27, 3 Rhagfyr 2020
Roedd Y Prifardd Tom Huws (1910-1992) yn frodor o'r Groeslon. Cafodd ei eni 30 Mai 1910, i deulu uniaith Gymraeg, yn fab i Thomas Hughes ac Ellen ei wraig [1] - er mai fel Elin y'i hadnabyddid hi gan bawb. Daeth drasiedi i ran y teulu pan farwodd Elin y fam o'r diciáu yn 35 oed pan nad oedd Tom ond 5 oed. Ailbriododd y tad o fewn ychydig â chyfnither Elin, sef Lizzie, a chafwyd sawl plentyn o'r uniad hwnnw.
Fe'i fedyddiwyd yn Thomas Griffith Hughes, er mai Tom Huws fuodd o i bawb erioed. Cartref y teulu yn y Groeslon oedd Dolnenan, ac roedd ganddo ddau frawd hŷn, David (neu Dafydd) ac Owen. Chwarelwr oedd y tad, ond "dyn ceffylau" oedd Tom ac fe adawodd ei gartref yn 14 oed i weithio mewn stablau ac fel joci. Naturiol iddo felly oedd ymuno â Bataliwn y Marchfagnelau Brenhinol (Royal Horse Artillery) pan ddaeth yr Ail Ryfel Byd, a hoffai adross straeon am ei amser yn gofalu am geffylau'r fyddin. Gwasanaethodd gyda'r bataliwn yn yr Aifft am gyfnod.
Wedi ei wasanaeth milwrol, aeth i'r chwarel i weithio i ddechrau, ac wedyn i fannau eraill cyn ymgeisio am le yng Ngholeg Harlech, "Coleg yr Ail Gyfle", er mwyn sichau addysg bellach, ac yr oedd yn un o'r ychydig ag ymgeisiodd i gael eu derbyn yno. Wedi treulio tymor yno, aeth i Goleg Cyncoed, Gaerdydd i hyfforddi fel athro dan gynllun i hyfforddi'r athrawon ychwanegol oedd eu hangen wedi'r rhyfel. Bu'n athro mewn sawl ysgol, yr un gyntaf oedd Ysgol Gynradd Parc y Rhath yng Nghaerdydd,[2] cyn symud i Ysgol Glan Clwyd (Y Rhyl, a Llanelwy wedyn) ym 1960 fel athro Cymraeg, gan symud gyda'r teulu i fyw yn y Rhyl. Ymddeolodd yn 65 oed ym 1975.[3] Rai blynyddoedd wedi iddo ymddeol, cyfansoddodd yr englyn canlynol ar gyfer llyfr llofnodion a gynhyrchwyd gan Glan Clwyd:
Hiraeth hen athro am Ysgol Glan Clwyd
- Pallodd nwyd a'r breuddwydion - ddoe a'i nef,
- ni ddaw nôl yr awron;
- Daw hiraeth, hiraeth am hon
- Alaeth, a chlwyf i'r galon.."[4]
- Pallodd nwyd a'r breuddwydion - ddoe a'i nef,
Enillodd y Goron yn Eisteddfod Genedlaethol Caernarfon, 1959 am bryddest ar y testun Cadwynau lle ymdrinodd â dirywiad y gymdeithas a'r cyni wedi i'r chwarel leol yn Nyffryn Nantlle gau. Mewn telegram yn ei longyfarch, geiriau'r Dr Iorwerth Peate oedd "O rebel i rebel".[5] Mae'r llinellau canlynol yn cyfleu naws y gwaith arobryn:
Rhynllyd gefnau ar y waliau boliog, Stelcian, stilio a sgwrs, Sgwrsio am waith. Nid oes gwaith, wrth gwrs!
Torri eu henwau ddydd Llun, a dydd Gwener, Loetran o gwmpas Tŷ'r Crydd a'r Lôn Newydd, A gwybod na ddychwel fyth hen lawenydd.[6]
Ymysg ei gerddi, mae soned a gyfansoddodd ar gyfer canmlwyddiant Capel Brynrhos (MC), Y Groeslon, Capel Brynrhos (1880-1980).[7]
Yn genedlaetholwr pybyr, bu'n llafar yn erbyn ymweliad teulu brenhinol Lloegr i'r Eisteddfod y flwyddyn ar ôl iddo gael ei goroni.
Am fideo o Tom Huws yn cael ei goroni, cliciwch yma: [[ [1]]].
Cyfeiriadau
- ↑ Cyfrifiad Plwyf Llandwrog 1911
- ↑ Gwybodaeth oddi wrth Philip Lloyd
- ↑ Wicipedia, [2]; gwybodaeth bersonol gan ei ferch, Non Huws
- ↑ Ymddangosir yma gyda chaniatâd y teulu
- ↑ Gwybodaeth gan ei ferch Non Huws
- ↑ Cyfansoddiadau Eisteddfod Genedlaethol Cymru, Caernarfon, 1959
- ↑ Archifdy Gwynedd, XM/6665/74