Gweld cod am Y Garn

[[Delwedd:Y Garn.jpg|bawd|de|400px|Y Garn o Lyn y Gader]]

'''Y Garn''' yw copa mwyaf dwyreiniol [[Crib Nantlle]] ac mae ffin [[Uwchgwyrfai]] yn rhedeg drosto. 2080 troedfedd, neu 633 metr, yw ei uchder. O'r copa gellir gweld [[Dyffryn Nantlle]] ar ei hyd i'r gorllewin; ac i'r dwyrain, gwelir pentref [[Rhyd-ddu]], llethrau'r Wyddfa a [[Llyn y Gader]] islaw. Mae mynyddwyr yn ei gynnwys yn rhestr mynyddoedd Nuttall.

Mae dwy garnedd, neu bentyrrau o gerrig, ger y copa. Mae un yn 42 troedfedd ar draws ac 8 troedfedd o uchder; mae'r llall rhyw ddeng llath ar hugain i'r de-orllewin, ac mae ddwy droedfedd yn llai o ran lled, a dim ond 6 troedfedd o uchder. Dichon bod y ddwy wedi cael eu chwalu rywbryd yn y gorffennol. Mae llawer iawn o gerrig rhydd ar draws y tir gwastad ger y copa, a gall y rheiny fod yn olion carneddau eraill.<ref>Comisiwn Henebion Cymru, ‘’Caernarvonshire’’, Cyf.2: Central (Llundain, 1960), t.212</ref>

Ni ddylid cymysgu'r mynydd hwn gyda'r Garn, mynydd sy'n rhan o'r Glyderau. 

 {{eginyn}}
==Cyfeiriadau==
{{cyfeiriadau}}
[[Categori:Mynyddoedd]]
[[Categori:Daearyddiaeth ffisegol]]