Gweld cod am Sychnant

Ffermdy ar gyrion pentref [[Trefor]] yw '''Sychnant'''.

Mae '''Sychnant''' yn sefyll ar lethrau isaf y [[Garnfor]], neu Mynydd y Gwaith, ar fin y ffordd sy'n mynd o ganol y pentref draw i'r gorllewin i'r [[Y Gorllwyn|Gorllwyn]] ac i'r traeth a elwir yn "West End" yn lleol. Mae mewn safle trawiadol yn edrych i lawr dros y pentref a thros [[Bae Caernarfon|Fae Caernarfon]]. Mae Sychnant yn ffermdy solet wedi ei adeiladu o gerrig tir ac fe'i hadeiladwyd oddeutu diwedd yr ail ganrif ar bymtheg neu ddechrau'r ddeunawfed ganrif. Un nodwedd arbennig sy'n perthyn iddo, fel i ffermdy [[Fferm Y Morfa]] gerllaw, yw'r grisiau carreg ar dro sy'n mynd i fyny tu ôl i'r lle tân i'r llofftydd uwchben. Er nad oes ond ychydig o dir yn gysylltiedig â Sychnant bellach, roedd yn fferm bur sylweddol ar un adeg fel mae'r adeiladau niferus sydd wrth ochr a thu ôl i'r tŷ yn tystio. Trowyd un o'r adeiladau'n weithdy saer a bu'r diweddar Robert Williams (Bob Sychnant) yn ymarfer crefft saer yno am flynyddoedd - gwaith sy'n dal i gael ei gyflawni yno o hyd gan Alan, ei ŵyr.<ref>Gwybodaeth bersonol</ref>

Clywir sôn am Sychnant ym 1541. Y pryd hynny etifeddwyd Sychnant gan Robert Glynn, ail fab [[Edmund Llwyd]], [[Glynllifon]] a'i wraig oedd Annes ferch William ap Gruffydd ap Robin, Cochwillan. Etifeddodd ei frawd hŷn, William Glynn y rhan fwyaf o diroedd Glynllifon. <ref>J E Griffith, ''Pedigrees of Anglesey & Caernarvonshire Families'' (Horncastle, 1914), t. 172</ref> Cyn 1541, felly, mae'n amlwg mai rhan o diroedd eang [[Teulu Glynllifon]] oedd y fferm.

== Cyfeiriadau ==

[[Categori:Ffermydd]]
[[Categori:Adeiladau ac adeiladwaith]]