Gweld cod am Robert Williams (Trebor Cybi)

Bu '''Robert Williams''' (1847-1905), neu '''Trebor Cybi''' i roi ei enw barddol iddo, yn byw am gyfnod yn [[Tal-y-sarn|Nhal-y-sarn]]. Prin iawn oedd y manteision addysg a gafodd ond ymdrechodd i'w ddiwyllio ei hun gan ddarllen yn helaeth. Bu'n aelod ffyddlon o eglwys [[Capel Bethania (B), Tal-y-sarn|Bethania]] y Bedyddwyr yn Nhal-y-sarn, gan weithio'n ddygn i hyfforddi'r plant a'r bobl ifanc. Ychydig iawn o'i waith barddonol a gadwyd a hynny'n englynion gan mwyaf. Dyma un ohonynt:

  Y DYFODOL
  Du gyfnod yw'r dyfodol, - y caddug
      A'i cuddia ef bythol;
   Deall gair o'i dywyll gôl,
   Ni fedra y ddawn feidrol. 

Ceir ysgrif fer amdano yn y cylchgrawn ''Y Greal'', Hydref 1913.<ref>Cybi, ''Beirdd Gwerin Eifionydd'', (Pwllheli, 1914), t.98.</ref>

== Cyfeiriadau ==

[[Categori:Pobl]]
[[Categori:Beirdd]]