Gweld cod am David William Pughe (Dafydd ab Hu Feddyg)

Roedd '''David William Pughe''' (1821-1862) yn feddyg yn ardal [[Uwchgwyrfai]], yn hynafiaethydd ac yn llenor. Bu'n ffrind am flynyddoedd lawer (yn ogystal â meddyg) i [[Eben Fardd]]. Hanai ei dad o deulu [[Lleuar Fach]] a'i fam o Chwaen Wen, Ynys Môn, lle aeth ei dad i ffermio wedi i'r ddau briodi, a ble cafodd David ei eni. Symudodd y teulu'n ôl i ardal [[Clynnog Fawr]] pan oedd o tua 8 oed, pan gafodd ei dad denantiaeth fferm [[Bachwen]].

Fe'i darawyd gydag iselder affwysol ar ddiwedd ei oes fer, gan ymatal rhag unrhyw weithred o'r bron ac unrhyw ffyrdd o gymdeithasu erbyn 1858, a bu farw Dachwedd 1862. Fe'i gladdwyd ym mynwent [[Eglwys Sant Beuno, Clynnog Fawr]] yn agos at fedd Eben Fardd ei gyfaill. Ynghanol ei bruddglwyfder, ysgrifennodd yr hyn a fwriedid yn epitaff iddo,<ref>W.R. Ambrose, ''Nant Nantlle'' (Pen-y-groes, 1872), tt.47-8.</ref> sef:
 Wyf iach o bob afiechyd,
 Ac yn fy medd gwyn fy myd.


{{eginyn}}
==Cyfeiriadau==
{{cyfeiriadau}}

[[Categori:Meddygon]]
[[Categori:Hynafiaethwyr]]
[[Categori:Awduron]]